Booking.com
          

  الرئيسية  ::  الإفتتاحية ::  كلمتنـا ::  ادعمنا ::  سجل الزوار ::  راسلنا   :: أضف مقال

:: مقالات سياسية  :: صحافة واعلام  :: حوارات  :: العالم الإسلامي  :: العالم المتقدم

 
 

لـقــمـة الـعــيـش
عبد الرحمن جادو   Tuesday 12-09 -2006

لقمة العيش هي التي بتصحي الأب المسن من نومه بدري ليسعى الى عمله او الى وظيفته وابنه شحط طول بعرض نايم بعد الفجر عشان كان سهران على القهوة

لقمة العيش هي اللي بتخلي سواقين الميكروباصات يسبوا الدين لبعض عشان زبون ركب في العربية اللي معليهاش الدور

هي اللي بتخلي السواقين يسبوا لأمناء الشرطة بعد ما يغمزوهم بخمسه جنيه اصطباحه عشان يحملوا من بره الموقف

لقمة العيش هي اللي بتخلي ست كبيرة تركب قطر سبعة وربع الصبح وتشيل قفصين على راسها وتروح تتخانق مع صاحب المحل اللي بتفرش ادامه واللي بيرش ميه قبل ما تيجي وبرضه بتقعد تبيع ومفيش مانع ياخد منها طمطمايه لمجرد الاستغلال

لقمة العيش هي اللي بتخلي محصل الكهربا يديك الباقي ربع جنيه بربع جنيه احتمال تقول له طب خلاص يا ريس خلي الباقي


لقمة العيش هي اللي بتخلي بتاع الدليفري يبص في الفاتورة قبل ما يطلع بالاوردر عشان يخمن طول الطريق هيطلع من التوصيله دي بكام

لقمة العيش هي اللي بتخلي ماسح الاحذية يفضل قاعد على الارض ليل ونهار منتهى أمله جزمة زبون نضيف مايفصلوش في ربع جنيه ويقول له : جنيه ليه يعني !؟ هي علبة الورنيش بكام

لقمة العيش هي اللي بتخلي الزبال يشيل الزبالة على كتفه مع ان صاحبها بيمسكها بطراطيف صوابعه

لقمة العيش هي اللي بتخلي الإكرامية أهم من المرتب عند أي موظف يعمل في خدمة المواطنين .. اللي كانوا مواطنين

لقمة العيش هي اللي بتخلي عمال السوبر ماركت يتخانقوا على توصيل الأكياس لشنط العربيات .. وخصوصا لو الزبون خليجي

لقمة العيش هي اللي بتخلي سواق التاكسي دايما معهوش فكه .. خصوصا لو اللي راكبه معاه بنت او ست

لقمة العيش لما بتبقى بقايا لقمة عيش بتخلي الأب ينزل يدور لابنه على شنطة مدرسة
في الباله ويغسلها وينشرها ويديهاله على انها جديدة.. والواد ميرضاش ياخدها

لقمة العيش بتخلي السايبر مان يعامل العيال الصغيره على انهم مهندسين كمبيوتر .. وبرضه بيستغفلوه في الوقت

لقمة العيش هي اللي بتخلي الصايع باشا طالما بيدفع تيبس ، وبتخلي المدام انسة طالما بتشتري علبة منديل في اشارة مرور من واحدة جوزها ميت من عشرين سنه ومعاها صورة شهادة الوفاة

لقمة العيش هي اللي بتخلي راجل طويل عريض شنبه يقف عليه الصقر ويمدد يعمل بلياتشو ويلغمط وشه بالوان الطيف ويضحك حتى لو بيفكر في دوا ابنه اللي معرفش يصرفه من التأمين الصحي

لقمة العيش هي اللي بتخلي بتاع الروبابيكيا يمشي ينادي على حنفيات مكسورة ويبدلها بجلدة انبوبه .. والزبون اللي كسبان طبعا

لقمة العيش هي اللي بتخلي الفران يقف في عز الحر ادام الفرن والناس قاعدة في التكييف تنفخ من الحر وتكلم بتوع الصيانه يجوا يكشفوا على التكييف .. مبقاش كوول خالص

لقمة العيش هي اللي بتخلي شاب خريج حقوق يقف يبيع بمب وصواريخ ومقالب والعاب سحرية ادام المولات ..ولما يكسب يجيب موبايل ... واتكلم ودش الدقيقة بخمسين قرش

لقمة العيش هي اللي بتخلي رصيف جامع الفتح سوق ليلي تلاقي فيه كل حاجة وكأنها ببلاش .. والمرافق تيجي .. كله يجري بالبضاعة .. الأمين جاي .. الأمين قبض .. كله يرجع الى قواعده سالما

لقمة العيش هي اللي خلت مبارك وكلابه يسرقوا الشعب خمسة وعشرين سنة وميقولش لأ




[email protected]
http://egyptianscorner.blogspot.com

 


      اضف تعليقك على هذه المادة     

الاسم  :           
البريد الالكتروني:
الدولة  :            


*   لن يتم نشر التعليقات التي تخرج عن آداب الحوار


         



لا توجد تعليقات سابقة


 ::

  كل سنة وانتم طيبين .. واحنا لأ !

 ::

  نموت نموت ويحيا المم

 ::

  عرق الإخوان

 ::

  بقولك ايه .. تجيش نسافر ! ؟

 ::

  فلا تسألني عن شيء

 ::

  الصحابة في الصحافة

 ::

  الغد والفجر ... عادي جداً

 ::

  زي كـل سـنـة

 ::

  قشطة.. عشان تبقى كملت


 ::

  بلاها سوسو خذ نادية !!

 ::

  كلام فلسطين : ما بين خيار السلام ... ولعبة الأمن والاستسلام

 ::

  عشق وبعاد

 ::

  خطبة الجمعة

 ::

  صور من خروقات المفوضية العليا المستقلة للانتخابات في العراق

 ::

  الاحترام أهم من الأجر لدي الموظفين في آسيا

 ::

  رئيس فلسطين السورية

 ::

  وخلف ظهركَ رومٌ!

 ::

  نظام 'موجابي'... أسباب الاستمرار وبوادر 'التصدع'

 ::

  تمرين 'التحدي المقبل'... وخيار اللجوء إلى المخابئ



 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  ماذا تعني تسمية الحرس الثوري منظمة إرهابية؟

 ::

  مستقبل السودان

 ::

  هل خرج البشير حقاً؟

 ::

  السودان ودروس الانقلابات والانتفاضات

 ::

  نقد رواية الغائب لنوال السعداوى

 ::

  إدارة الحروب النفسية في الفضاء الالكتروني: الإستراتيجية الأمريكية الجديدة في الشرق الأوسط

 ::

  الجثمان

 ::

  مستقبل الشرق الأوسط والأكراد في ظل التغيرات المستقبلية

 ::

  زلزال متوقع وخطر داهم على العرب!








Booking.com
radio sfaxia

Booking.com


جميع الحقوق متنازل عنها لان حق المعرفة مثل حق الحياة للانسان .

 

اعلن معنا |   غزة تحترق | منتدى | مواقع الكتاب  | ملفات | صدام حسين | الأحواز | خطوات للتفوق | انفلونزا الطيورراسلنا  
جميع ما ينشر بالموقع من مقالات أو آراء أو أفكار هي ملك لمن كتبها، و الركن الأخضر لا يتبنى بالضرورة هذه الآراء أو الأفكار.