Booking.com
          

  الرئيسية  ::  الإفتتاحية ::  كلمتنـا ::  ادعمنا ::  سجل الزوار ::  راسلنا   :: أضف مقال

:: دراسات أدبية  :: طرفة  :: شعر  :: قصة  :: خواطر  :: اصدارات

 
 

ياسامعين الصوت !!!!!!
السيد أحمد الراوي   Friday 11-08 -2006

يسألوني
انت شيعي ؟؟ انت سني ؟؟
وين ساكن؟؟
يم الشيخ لو يم ابو النعمان
لو يم ابو الجوادين
وآنه بالحسينيه... بالجامع أدور منهو اليوم طاحوا
طاح أخوي؟...أنذبح خالي ؟...أبن عمي؟
ما أبجي عليهم... أبجي منهم
ياخايبين ضيعتوا الوطن
والوطن غالي أعز من روحي عندي
يسالوني انت شيعي؟ انت سني؟
وآنه للكاظم أبذاك الصوب ازوره
أنامن بالصحن من شمة عطوره
وبكربلا للحسين أتعنه ازوره...
من صغر ظفري وصغر سني
ويسالوني انت شيعي ؟... انت سني؟
آنه بالجوادين بذاك الصوب تباركت وأدفنت أمي
و بشيخ معروف نايم المرحوم ما من يوم وسألني
على امك أنت طالع لو على عمك النام يمّي؟
بالهويه ياخذوني اليوم ويسالوني وين رايح انت سني؟
كلت والله للعباس جدي مِتعنّي أرد أشوفه ...
أسأله العباس سني ؟
كلت متعنّي أشوفن داحي خيبر الكرار أشكيله همّي
أرد أشوفن ويرضى الحسين بكربلا...
وبنفس الوطن ينهدر دمك و دمي؟
آنه ما ادري أصار بيينه ....
آخ وياوسفه الصار بيينه
الله واكبرسووهه بيينه
ياوسفه ونجحت خططهم
ياوسفه اللي طاحوا بالجوامع بالحسينيات اليوم
ذوله أولاد خالي ...أولاد عمّي
ياهالوادم من الصوبين أتفلش وطنّه
يهالوادم وصلت النار بحجرنه وأحتركنه
ياسامعين الصوت الجاي منهم أكثر من اليوم بحزنّه
ياسامعين الصوت كافي
أنت شيعي؟....أنت سني؟
ياخوي الوطن من الصوبين طايح
ياخوي من طائفية الشردتنه وطشّرت دمك ودمي
ياعراقي أصحى تره أتفلش بلدنا ...
ياخويَ احتركنه ما بقى بالوطن غيرالجنايز...
على الصوبين يمّك ويمّي
ياخويَ الاجنبي وج النار بيينه
ياخويَ وفرحان بذبحنه منّا بيينه...
ماله شغله يتفرج علينه...
أمجتف أبيده ويغنّي
ويسألوني أنت شيعي؟... أنت سني؟
ياخويَ ودير بالك
فلشوا الجامع الجنت بي وياك أصلّي
كالوا الشيعي علكها ...
والحسينيه فجّروهه...
وكالوا الفجّرهه سنّي
ياخوي وآنه للحسن والهادي أضمه....
من زمان انام وياه بالصحن من صغر سنّي
آنه افجره وصدّكت والائمه تاج راسي...
بعد ابوي وبعد أمي
وصدّكت تطيني اِيديَّ....
ومن زمان أنت تشيل همّي
ياخوي وصدكت لو نسيت أحنه بثورة العشرين أيد وحده ...
وبيهه أنخبط دمك بدمي
ياخوي شبيك وكافي عاد
العراقي باللبن فتّح
ُأهُم اللي شعلوهه وكالوا....
هذا شيعي.... وهذا سني


[email protected]

 


      اضف تعليقك على هذه المادة     

الاسم  :           
البريد الالكتروني:
الدولة  :            


*   لن يتم نشر التعليقات التي تخرج عن آداب الحوار


         



لا توجد تعليقات سابقة


 ::

  خبر وتعليق: (مشروع بيع نفط وغاز العراق)

 ::

  هل تعلم ان النشيد الوطني الامريكي هو الوحيد في العالم الذي يتغنى بالأسلحة الفتاكة والحرب والقتال ؟؟!!

 ::

  هذيان عميل وتعليق .. جدار كونكريتي عازل حول مدينة الاعظمية !!!

 ::

  أرقام جديدة وخطيرة بعد أربعة سنوات من " التحرير" !!!!

 ::

  بدماء الشهداء ترتفع رايات الشرف والتحرير وتنير دروب المقاومة ... وأيُ شهداء

 ::

  كيف يجب ان يكون موقف العراقيين والعرب فيما لو تم توجيه ضربة عسكرية لأيران !!

 ::

  في ذكرى اربعينية القائد العظيم ... الشهداء أكرم منا جميعاً

 ::

  في الذكرى السادسة والثمانين لتأسيس القوات المسلحة المجاهدة

 ::

  الى جنات الخلد يا ابو الشهداء


 ::

  يوميات الفقدان

 ::

  زكي نجيب.. أديب الفلاسفة وفيلسوف الأدباء

 ::

  قائدة الثورة المصرية.. أسماء محفوظ..محطمة حاجز الخوف

 ::

  العلاج بالروائح العطرية

 ::

  في مقابلة مع رايس تتحدث عن العالم ومناطق التوتر فيه

 ::

  الإعلام الغربي وفرصة المناظرة بين مسلمي مجتمعاته

 ::

  الصحافة ايام زمان

 ::

  الفلافل.. مكونات مختلفة لوجبة متكاملة القيمة الغذائية

 ::

  مساواة المرأة بالرجل في الثرثرة!

 ::

  النباهة والاستحمار



 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  ماذا تعني تسمية الحرس الثوري منظمة إرهابية؟

 ::

  مستقبل السودان

 ::

  هل خرج البشير حقاً؟

 ::

  السودان ودروس الانقلابات والانتفاضات

 ::

  نقد رواية الغائب لنوال السعداوى

 ::

  إدارة الحروب النفسية في الفضاء الالكتروني: الإستراتيجية الأمريكية الجديدة في الشرق الأوسط

 ::

  الجثمان

 ::

  مستقبل الشرق الأوسط والأكراد في ظل التغيرات المستقبلية

 ::

  زلزال متوقع وخطر داهم على العرب!








Booking.com
radio sfaxia

Booking.com


جميع الحقوق متنازل عنها لان حق المعرفة مثل حق الحياة للانسان .

 

اعلن معنا |   غزة تحترق | منتدى | مواقع الكتاب  | ملفات | صدام حسين | الأحواز | خطوات للتفوق | انفلونزا الطيورراسلنا  
جميع ما ينشر بالموقع من مقالات أو آراء أو أفكار هي ملك لمن كتبها، و الركن الأخضر لا يتبنى بالضرورة هذه الآراء أو الأفكار.