Booking.com
          

  الرئيسية  ::  الإفتتاحية ::  كلمتنـا ::  ادعمنا ::  سجل الزوار ::  راسلنا   :: أضف مقال

:: مقالات سياسية  :: صحافة واعلام  :: حوارات  :: العالم الإسلامي  :: العالم المتقدم

 
 

خـلـى الـشـعـب يـعـيـش
عبد الرحمن جادو   Thursday 22-06 -2006

بما انى لم اعد مدونا ملتزما نظرا لانى بكسل حتى انشر اللى بكتبه لمجرد انى اجهزه وانشره بعد ما كتبته فقد عزمت الامر النهارة فى تمام الثالثة صباحا على ان ادون ومحرمش نفسى من حاجة بحبها . جميل كده!!؟ جميل... طيب مية مية .. عندى شوية حاجات عايز اقولها طالما تدوين بتدوين باه
اولا : ايه حكاية بصاصين المدونات اللى عملولهم مكتب مكافحة المدونات واكيد المكافحة دى هيجيبولها مبيدات تخترق الشبكة العنكبوتية وتمكنهم من كل شبر فيها ومش بعيد تلاقى حد بيمد ايده من الشاشه يضربك على ايدك او يطفى السيجارة فى الكى بورد او تعجبه الاسكرول بتاعة الماوس فيمارس هوايته ويقعد يلفها على الفاضى وحركات الظباط النص كم دى , الخلاصة باه عشان نجيب من الاخر ياريت يعملوا ادارة مكافحة فى تكنولوجى مول مدينة نصر وفى مول السخاوى بروكسى وكل المولات الخاصة بالكمبيوتر , اى حد داخل يشترى سلك نت ورك يطلبوا منه بطاقته ويسالوه عن ايميله والجروبات اللى مشارك فيها والمنتديات اللى متابعها والمواقع اللى بيدخلها ولو فيه حتة سلك فضلت معاه هل يا ترى هيديها لمواطن تانى ولا لا والمواطن ده اسمه ايه وكده يعنى.... ومن هنا ومن مكانى هذا اعلن مبايعتى للواء حبيب العادلى وزيرا للداخلية الى ان يقضى الله امرا كان مفعولا
ثانيا : مش عارف ايه الهوجة بتاعة الحاج كرم جبر وانتيمه عبد الله كمال , يعنى انا اعرف ان لما يكون واحد بصمجى ويروح يقبض تامين او معاش بياخد معاه الختم , لكن معتقدش انهم لما بيروحوا يختموا بياخدوا معاهم حاجة لسبب بسيط. انهم مختومين .. وبلاش أأولها عشان الرقابة على المدونات ممكن تحذفها
ثالثا : كاس العالم : بما انى اؤكد تكرارا ان خبرتى فى الكورة بالظبط زى خبرة جمال مبارك فى السياسة يعنى فى الحضيض اذا فيجب عليه انى مفتيش فى اللى مبفهمش فيه , بس مش عارف ليه الناس مشغولة وتعبانه وعندها استبحس من علم اسرائيل اللى رفعته غانا رغم انه مرفوع على ارض مصر!!؟ وايه اللى يدايق يعنى فى رفع علم اسرائيل وميدايقش فى الهبل اللى بيسيبوا شغلهم واكل عيشهم ويتفرجوا على الكورة ويسبو دين وملة ويطلقوا مرتاتهم وحاجة فل الفل , و كما قال الشاعر اللى هو ريكو خلى الشعب يعيش
رابعا : الحكم بتاع احمد الفيشاوى وهند الحناوى والقاضى ابو قلب طيب اللى قاله خدها فى حضنك يا احمد وطبطب عليها يا احمد واحمد واد مطيع وبيسمع كلام اللى اكبر منه وخدها فى حضنه , ممكن حد يقولنا المسلسل ده هينزل فى رمضان ولا مش هيلحق!!؟
خامسا : صباح الخير بليل يعنى يا مجلس الشعب .. الحاجة جورجيت قلينى والحاج احمد عز والسادة نواب الشعب بيأزأوا لب مفكرينها سينما حدايق الزتون مثلا ولا ايه حفلة حداشر الصبح بتاعة العيال المزوغين من مدرسة الصنايع!!!؟ وممكن باه احمد عز يتف قشر اللب على عضو زميل ويومها تطلع اخبار اليوم بملحق كامل عن .. لب الرحمة والهنا .. عقبالنا كلنا , او يرزعنا الحاج ممتاز القط مقالة يعنونها بـ : أولى الألباب .. قادر ويعملها
سادسا : الدكتور انس الفقى وزير الاعلام ( يعنى الكبير فى ماسبيرو ) كان سيدفعنى للتهلكة بعد ما خدت شريط كيتو فان من الصداع اللى جالى من يوم ما مسك وزير اعلام عن الفكر الجديد والاعلام اللى ع السكين وحلق لنا شنبه كمان عشان ميحلفش بيه ويحنث فى يمينه ان الاعلام هيبقى مختلف تماما عن اعلام صفوت الشريف , وقد كان بفضل توجهات الفقى تحول الفرح الى مأتم اعلامى .. وكل من فى ماسبيرو فان
سابعا: كفاية كده
ثامنا : سلام عليكم




http://egycorner.blogspirit.com/

 


      اضف تعليقك على هذه المادة     

الاسم  :           
البريد الالكتروني:
الدولة  :            


*   لن يتم نشر التعليقات التي تخرج عن آداب الحوار


         



لا توجد تعليقات سابقة


 ::

  كل سنة وانتم طيبين .. واحنا لأ !

 ::

  نموت نموت ويحيا المم

 ::

  عرق الإخوان

 ::

  بقولك ايه .. تجيش نسافر ! ؟

 ::

  فلا تسألني عن شيء

 ::

  الصحابة في الصحافة

 ::

  الغد والفجر ... عادي جداً

 ::

  زي كـل سـنـة

 ::

  قشطة.. عشان تبقى كملت


 ::

  أوجه المقارنة بين حقبتين العراق السعيد ! والعراق التعيس و ما بينهما !؟

 ::

  و من قال لكِ أني شاعر؟

 ::

  علاج لإدمان الانترنت

 ::

  جريمة المسيار

 ::

  هل للذكاء علاقة بالوراثة ؟!

 ::

  الفتاة المتشبهة بالرجال..العنف يعوض الرقة

 ::

  قضايا بيئية- عن حديقة الصوفانية

 ::

  "حياة سابقة"مجموعة قصصية جديدة للكاتب العراقي علي القاسمي

 ::

  نكتب لأننا نرجسيون

 ::

  المجتمع المدني والدولة



 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  ماذا تعني تسمية الحرس الثوري منظمة إرهابية؟

 ::

  مستقبل السودان

 ::

  هل خرج البشير حقاً؟

 ::

  السودان ودروس الانقلابات والانتفاضات

 ::

  نقد رواية الغائب لنوال السعداوى

 ::

  إدارة الحروب النفسية في الفضاء الالكتروني: الإستراتيجية الأمريكية الجديدة في الشرق الأوسط

 ::

  الجثمان

 ::

  مستقبل الشرق الأوسط والأكراد في ظل التغيرات المستقبلية

 ::

  زلزال متوقع وخطر داهم على العرب!








Booking.com
radio sfaxia

Booking.com


جميع الحقوق متنازل عنها لان حق المعرفة مثل حق الحياة للانسان .

 

اعلن معنا |   غزة تحترق | منتدى | مواقع الكتاب  | ملفات | صدام حسين | الأحواز | خطوات للتفوق | انفلونزا الطيورراسلنا  
جميع ما ينشر بالموقع من مقالات أو آراء أو أفكار هي ملك لمن كتبها، و الركن الأخضر لا يتبنى بالضرورة هذه الآراء أو الأفكار.