Booking.com
          

  الرئيسية  ::  الإفتتاحية ::  كلمتنـا ::  ادعمنا ::  سجل الزوار ::  راسلنا   :: أضف مقال

:: مقالات سياسية  :: صحافة واعلام  :: حوارات  :: العالم الإسلامي  :: العالم المتقدم

 
 

الـتـشكـيـل الـوزارى الـمـتوقـع
عبد الرحمن جادو   Friday 16-06 -2006

بما انه بات معلوما ان الدكتور نظيف راكض ولن يتتعتع من مكانه فى القريب العاجل , وبما انه وحكومته ادوا اللى عليهم حتى عندما كانوا على شفا جرف من ترك الوزارة بعدما أبلوا بلاءا حسنا فى تزوير الانتخابات , وبما ان الجميع قاعدين قاعدين فكرت فى ان اقوم بعمل تغيير وزارى - كنوع من التغير من المطالبة بالتغيير الى اجراء التغير بنفسى - ونظرا لانى متعاطف تمام التعاطف مع كل مشتاق ممكن يبيع اهله عشان يقعد على كرسى عينه هتطلع عليه فقد حاولت فى التشكيل الوزارى ان احقق لهم امنيتهم وان افسح المجال امام غيرهم ليؤدوا كما ادى هؤلاء فينعموا بمقعد فى الدنيا.. وأيضا..بما يقابله فى الاخرة
التشكيل الوزارى
رئيس مجلس الوزراء : السيد الاستاذ ممتاز القط : - وقد اخترناه نظرا لانه الوحيد القادر على ان يكون سياميا وقتما يشاء وقط شوارع وقتما يحلو له
وزير الخارجية : السيد الاستاذ الدكتور : مصطفى الفقي :- وقد اخترناه لانه ممكن تجيله ذبحة ثقافية او جلطة فكرية لو مجاش اليوم اللى يقعد فيه على كرسى الوزارة اللى بيلف, وهو بيلف وراه
وزير الداخلية : السيد اللواء اسماعيل - باشا- الشاعر :- وقد اخترناه لانه أول من استخدم الوتد- حلوة الوتد دى؟- فى ترهيب المعارضين
وزير التربية والتعليم : السيدة الفاضلة : اقبال بركة :- وقد اخترناها نظرا لنجاحها الباهر فى تربية ضوافرها وتعليم صغار الاناث ازاى ميبقوش اناث
وزير التنمية المحلية : السيد الفاضل : السيد راشد :- وقد اخترناه نظرا لانه اقدر من يقوم بتظبيط المحليات والنهوض بعمال النظافة والاشراف على اعداد خطط مستقبلية لتزوير انتخابات المحليات المؤجلة لعامين يدوب يقدر يجمع فيهم خمسة مليون ناخب بيقولوا نعم لمبارك فى المحليات برده
وزير الدولة لشؤون البيئة : الفنان القدير والمطرب الكلاس : سعد الصغير :- وقد اخترناه نظرا لانه مفيش أبوأ منه
وزير الاقتصاد : السيد الاستاذ محمد زايد الكاتب باهرام الجمعة : وقد اخترناه عشان يورينا فلاحته وياكل الناس الشبعانه الراضيه حتى لو هيستلف او يدفع من جيبه
وزير الزراعة : الراجل العجيب مقدم الفقرة الزراعية ببرنامج صباح الخير يا مصر .. بقاله عشر سنين محسسنى ان مصر كلها عمار وناس بتزرع بجد ومفيش دودة كلت القطن وفيه قطن حتى اسألوا الامبراطور اللى اعلاناته مالية الدنيا 100% قطن مصرى
وزير الثقافة : الاستاذ الدكتور عمرو عبد السميع : نظرا لانه هيفطس من الثقافة وعنده تخمة ثقافية افرزت عصاراتها فى برنامجه القيم هى الحالة ايه ؟
الترشيح الاخر لوزير الثقافة :- سامى بتاع الاسطوانات اللى بيقف على رصيف جامع الفتح :- وقد اخترناه نظرا لان اسطواناته سليمة ومية مية وليست مشروخة كسلفه
وزير الاستثمار : اى حد تتوافر فيه قدرته على بيع هدومه بتراب الفلوس ويستحمل يبقى عريان ..يعنى بالبلدى كده .. اى حد عامل دماغ خصخصة
وزير الاعلام : المذيع الساطع اللامع المسبسب تامر أمين .. وقد اخترناه نظرا لان مفيش ولا وزير اسمه تامر ولازم نشجع الشباب
وزير السياحة : السيد الاستاذ اسامة سرايا :- وقد اخترناه نظرا لانه كان دائم التعلق بطيارته الورق وهو صغير ثم عشق التحليق فى الهواء مع السيد الرئيس- حفظه الله ورعاه - الى ان اصبح حلمه الدائم انه يلف العالم كله .. يلفه فى سجارة ويشربها مناصفة- حلوة مناصفة دى؟- مع رئيس تحرير الجمهورية الاسطى محمد على ابراهيم
وزير الصحة : السيد الاستاذ الدكتور : مش عارف اسمه - عميد كلية الطب البيطرى وقد اخترناه نظرا لان رقة قلبه ورهافة حسه التى اكتسبها من التعامل مع الحيوانات ربما تؤهله ليصلح ما افسده المتعاملين مع البنى ادمين , او اللى مفروض انهم كده
وزير العدل: المستشار رؤوف ميخائيل رشدي : احد القضاة المزورين والتزوير اساس الفترة الرئاسية الخامسة
وزيرشئون مجلسى الشعب والشورى : معتز كمال الشاذلى : - وقد اخترناه عشان يلعب مع وزير الاعلام تامر امين بدل ما يضيعوا وقتهم فى الجلوس امام ميلودي وارسال الاس ام اس
وزير البترول : السيد جمال مبارك :- نظرا لانه اكتر واحد قدر يخلى الناس تجيب جاز بدون حفر ولا تنقيب
وزير الاتصالات وتكنولوجيا المعلومات : ريكو برمجة صاحب سيبر سبيد اند فاست اند باور :- وقد اخترناه نظرا لانه بيوزع وصلات النت باتنين وعشرين جنيه
وزير القوى العاملة : الحاجة ام سناء بتاعة الفجل :- وقد اخترناها نظرا لانها هتدينا حزمتين فجل ببلاش
وزير الأوقاف : الاستاذ سيد حمدى مفسر الاحلام الشهير : وقد اخترناه نظرا لانه هيجوز كل البنات اللى بتحلم بحمار ابيض وهيجوز كل الشباب اللى بيحلم بقطة مشمشية ونظرا لانه راجل طيب ونفسه حلوة وبيشوف الطالع والنازل ومبيحرمش حد من الاحساس اللى نفسه فيه .. وكله بالعلم طبعا
وزير الدفاع : هنسيب الفريق طنطاوى زى ما هو نظرا لانى معرفش حد غيره من يوم ما اتولدت
وزير الرياضة : الكابتن الكلاسيكي : احمد عز : وقد اخترناه نظرا لانه كان بيشيل حديد كتير
وزير الاسكان : الاستاذ الدكتور محمد ابراهيم سليمان :- محدش يقولى تااااانى! وقد اخترناه نظرا لانه اتقطعت سبوبته ولقمة عيشه فى الكوبرى اللى كان هيبنيه للوليد بن طلال لتيسير الوصول الى غرفتك الفندقية من الكوبرى عدل على غرفتك او سويتك داخل الفور سيزون
وزير النقل والمواصلات : السيد المحترم :- السائق المحترم : سيد الدكش- نظرا لانه ركب ميكروباص وتاكسى ونقل تقيل ونص نقل وعارف مداخل البلد ومخارجها, مش مخارجها بس ها
وزير الرى : السيد الاستاذ الدكتور : محمد مجدى مرجان وقد اخترناه نظرا لانه ... افهمها انت بأه
اما باقى الوزارات فقد تركت للسيد رئيس الدولة اختيارها بمعرفته نظرا لانى عايز ادخل انام
سلام عليكم


ركن المصريين
http://egycorner.blogspirit.com/
[email protected]

 


      اضف تعليقك على هذه المادة     

الاسم  :           
البريد الالكتروني:
الدولة  :            


*   لن يتم نشر التعليقات التي تخرج عن آداب الحوار


         



لا توجد تعليقات سابقة


 ::

  كل سنة وانتم طيبين .. واحنا لأ !

 ::

  نموت نموت ويحيا المم

 ::

  عرق الإخوان

 ::

  بقولك ايه .. تجيش نسافر ! ؟

 ::

  فلا تسألني عن شيء

 ::

  الصحابة في الصحافة

 ::

  الغد والفجر ... عادي جداً

 ::

  زي كـل سـنـة

 ::

  قشطة.. عشان تبقى كملت


 ::

  تمرين 'التحدي المقبل'... وخيار اللجوء إلى المخابئ

 ::

  لماذا تبدو أصواتنا مختلفة حين نسمعها على جهاز تسجيل؟

 ::

  الإخوان المسلمون وعلاقتهم بفلسطين

 ::

  أيدي احتلالية تعبث بمقدرات ومستقبل أطفال لا ذنب لهم سوى أنهم فلسطينيو الهوية

 ::

  علينا ان نعلم ان نواة الحضارة الانسانية بدأت من بلاد الرافدين

 ::

  التحديات التنموية في اليمن

 ::

  الفيلم الجزائري" كارتوش غولواز" إهانة للجزائرين؟

 ::

  افساد شياطين الأنس في الارض

 ::

  تحول 'عالمي' ضد عقوبة الإعدام

 ::

  لماذا حرّم السدلان والعبيكان المقاطعة الشعبية؟



 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  ماذا تعني تسمية الحرس الثوري منظمة إرهابية؟

 ::

  مستقبل السودان

 ::

  هل خرج البشير حقاً؟

 ::

  السودان ودروس الانقلابات والانتفاضات

 ::

  نقد رواية الغائب لنوال السعداوى

 ::

  إدارة الحروب النفسية في الفضاء الالكتروني: الإستراتيجية الأمريكية الجديدة في الشرق الأوسط

 ::

  الجثمان

 ::

  مستقبل الشرق الأوسط والأكراد في ظل التغيرات المستقبلية

 ::

  زلزال متوقع وخطر داهم على العرب!








Booking.com
radio sfaxia

Booking.com


جميع الحقوق متنازل عنها لان حق المعرفة مثل حق الحياة للانسان .

 

اعلن معنا |   غزة تحترق | منتدى | مواقع الكتاب  | ملفات | صدام حسين | الأحواز | خطوات للتفوق | انفلونزا الطيورراسلنا  
جميع ما ينشر بالموقع من مقالات أو آراء أو أفكار هي ملك لمن كتبها، و الركن الأخضر لا يتبنى بالضرورة هذه الآراء أو الأفكار.