Booking.com
          

  الرئيسية  ::  الإفتتاحية ::  كلمتنـا ::  ادعمنا ::  سجل الزوار ::  راسلنا   :: أضف مقال

:: مقالات سياسية  :: صحافة واعلام  :: حوارات  :: العالم الإسلامي  :: العالم المتقدم

 
 

عايزين ايه بقى من التغيير؟
كامل محمد حامد   Wednesday 25-05 -2011

يعنى نعدل نحسن الدستور
علشان نبقى مفتحين مش عور
ويخلى المستقبل ليه نور
والتعديل اللى خلانى مسرور
8 سنين بس عمر الريس
يعنى مش حايقعد و تيس
ويكبر فى السن و يهيس
ويقول انا حلو انا كويس
يارب ارزقنا بواحد زكى محترم امير

عايزين ايه بقى من التغيير؟

لا للرشوه يبقى شعار و بيان
المرتشى يحس انه لو خد يتهان
والراشى من ربنا يكون جبان
وننسى بقى ايام زمان
كنت تدخل مصلحه حيران
الكل بيقولك هات
يأما تقعد وتبات
و يعطلوك بعدة ادوات
كلهم رجاله و ستات
و تقول الضمير مات
تروح دافع. ما الوقت فات
نفسنا بقى بسرعه الواحد يخلص مصلحته
والموظف يخاف عليك كانك واحد من عيلته
تطلب منه طلب يقولك حاضر دقيقه و اكون خلصته
يارب الموظف للرشوه ما يكونش اسير

عايزين ايه بقى من التغيير؟

الشاب يكون عنده شقه مستور
مش نايم جنب حيطه او سور
ويدهنا و يبلطها ويركبلها برور
ويتجوز ويبقى سعيد و مسرور
والحياه يبقى ليها بدور
ويقول ده انا كنت نكره مهجور
ده كان عصر كله فجور
ده الحياه حلوه انا مبهور
ده انا بقى ليا احاسيس و شعور
يارب اجعلنى دايما كده مستور
ويبدا بقى يفكر فى عربيه من غبور
ويروح يصيف فى شهر من الشهور
ويقدم للحج و يستنى الدور
ويشترى حطه ارض يعملها قبور
يارب اجعل كل مصرى مرتاح مش فقير

عايزين ايه بقى من التغيير؟

ننسى بقى التحرش و ونرجع الاحترام
ونحترم المراه زى ما بيقول الاسلام
ولازم نحسسها انها فى امن و سلام
ولا نضايقهم ولا نسبب ليهم الالام
ومنبقاش ليهم كوابيس بل احلام
والشباب يخافوا عليهم زى الرخام
لازم نحترم خجلهم هما مش اصنام
ونعتبرهم شئ جميل زى الحمام
لازم تخاف عليه و تديله اهتمام
والبنت اللى معندهاش التزام
لازم مندهاش اى اهتمام
وهى حتحس انها مش تمام
وننظف بقى شويه الافلام
من القبلات و خصوصا افلام عادل امام
ولازم يعرفوا ان كده حرام
عمره ما حلله شيخ او امام
يارب استر نساءنا يا ستير

عايزين ايه بقى من التغيير؟

نرجع شعار الشرطه فى خدمه الشعب
وننسى بقى تعاملهم اللى كان صعب
شتيمه و اهانه و ضرب
واحيانا كانوا بيدوسوا على وش المجرم بالكعب
احنا عايزين من الشرطه وعود
المعامله الحلوه هو الهدف المنشود
لازم نعرف ان هما من الاجرام سدود
وان من غيرهم مش حيبقى فى حدود
وان الامان حيبقى مفقود
وان البلد حيبدا ياكل فيها الدود
وشعار كلنا ايد واحده نرفعه فوق اعلى عمود
شرطه مسلمين مسحيين بيض و سود
يارب اجعل تعاملات الشرطه تبقى زى الحرير

عايزين ايه بقى من التغيير؟

الدول العربيه يكونوا بثورتنا مبسوطين
ويتقال مصر ام الدنيا الكل يقول امين
ونرجع تانى ليهم محبوبين
وفى مشاكلهم يكونوا علينا معتمدين
واحنا نكون ادها ساندين
ونحل مشكلة فلسطين
والكل يرجع تانى يقول هما دول المصريين
رجاله شهامه و عمرهم ما كانوا متهانين
نمحى اثار العهد السابق المشين
ونقولهم احنا اهو مستعدين
ولعوده الحب و الاخوه احنا خدامين
بس لو سمحتوا متعملوناش على اننا شحاتين
او من الغنى و الترف محرومين
او علشان بنشتغل عندكو نبقى مساكين
لا احنا وحده واحده مترابطين
اعتقد انكوا تعرفوا احنا مين
واحنا من غيركوا مش عايشين
وبلاش ندخل بينا المزيفين
زى الاسرائلين و الايرانيين
ويارب نفضل احبه طول السنين
يارب اجعل بلدنا تبقى نور للعرب يا منير

عايزين ايه بقى من التغيير؟

عايزين الانتاج يزيد
اسمنت و طباعه و حديد
وتروح الشغل وانت سعيد
وتحس ان كل يوم عيد
ونقدم للعالم كل شئ جديد
وهدفنا نبقى الاول مش السنيد
وفى كل صناعه يكون لينا ايد
اسمنا دايما يبقى مشهور مجيد

يارب اجعل مصر مشهوره زى المشاهير
وابعد عنها كل مفترى كداب شرير

وده رأى الشخصى فى التغيير

 


      اضف تعليقك على هذه المادة     

الاسم  :           
البريد الالكتروني:
الدولة  :            


*   لن يتم نشر التعليقات التي تخرج عن آداب الحوار


         



لا توجد تعليقات سابقة


 ::

  السعرات الحرارية وسلامة الجسم

 ::

  الإسلام والماركسية علاقة الالتقاء والاختلاف 3

 ::

  حديث صناعة الأمل وطمأنة الشعب على المستقبل

 ::

  ألمانيا: عمليات زرع أعضاء وأخرى تجميلية للحيوانات

 ::

  جامعة فلسطين صرح أكاديمي أنشأت من رحم المعاناة لخدمة أبناء شعبنا الفلسطيني

 ::

  برقيــة إلـى الله ســـبحانه وتعـــــــالى

 ::

  الإسلام والماركسية علاقة الالتقاء والاختلاف 1

 ::

  دور التعصب الديني، والمذهبي، والجنسي، في الحط من كرامة المرأة العاملة

 ::

  «الرباعية» وزمام المبادرة

 ::

  فشل الانقلاب التركي و مسرحية تمرير اتفاقية مع إسرائيل وتصفية المعارضين من الجيش



 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  ماذا تعني تسمية الحرس الثوري منظمة إرهابية؟

 ::

  مستقبل السودان

 ::

  هل خرج البشير حقاً؟

 ::

  السودان ودروس الانقلابات والانتفاضات

 ::

  نقد رواية الغائب لنوال السعداوى

 ::

  إدارة الحروب النفسية في الفضاء الالكتروني: الإستراتيجية الأمريكية الجديدة في الشرق الأوسط

 ::

  الجثمان

 ::

  مستقبل الشرق الأوسط والأكراد في ظل التغيرات المستقبلية

 ::

  زلزال متوقع وخطر داهم على العرب!



 ::

  أعجوبة الفرن والخراف في عورتا

 ::

  قصائد الشاعر إبراهيم طوقان

 ::

  مساعداتٌ خيريةٌ يبطلُها التوثيقُ وتفسدُها الصورُ

 ::

  الإقتصاد الأخضر في العالم العربي

 ::

  يوم النكبة على أعتاب صفقة القرن

 ::

  ذكرى النكبة 71....!!

 ::

  ماذا لو غدر بنا ترمب؟

 ::

  الصحوة بالسعودية... وقائع مدوية

 ::

  الإحصاء فى القرآن

 ::

  حلم

 ::

  السجن فى القرآن

 ::

  الانسان ؟؟؟

 ::

  ثلاث حكومات في الربيع

 ::

  مجلس الأمن والصراع في ليبيا






Booking.com
radio sfaxia

Booking.com


جميع الحقوق متنازل عنها لان حق المعرفة مثل حق الحياة للانسان .

 

اعلن معنا |   غزة تحترق | منتدى | مواقع الكتاب  | ملفات | صدام حسين | الأحواز | خطوات للتفوق | انفلونزا الطيورراسلنا  
جميع ما ينشر بالموقع من مقالات أو آراء أو أفكار هي ملك لمن كتبها، و الركن الأخضر لا يتبنى بالضرورة هذه الآراء أو الأفكار.